Recent Posts

Breaking News

Pilipinas miharos sa SEAG 3X3 Basketball event

Pilipinas miharos sa SEAG 3X3 Basketball event

Lemuel P. Maglinte (Banat) – December 3, 2019 – 12:00am

CEBU, Philippines —  Gipakita sa  Pilipinas nga sila ang hari sa basketbol bisan pa sa 3×3 event human ang men’s ug women’s teams misakmit og gold kagahapon sa 30th Southeast Asian Games.

Wala man sila madala sa Final 12 sa Gilas Pilipinas nga moduwa sa men’s basketball tournament, apan sila si CJ Perez, Mo Tautuaa, Chris Newsome ug Jason Perkins nakahatag gihapon og dungog sa nasud.

Sa finals kagahapon ang Gilas milubong sa Indonesia sa iskor nga 21-9. Nindot kaayo ang rekord sa Pilipinas kay wala kini makatilaw og pilde sud sa lima ka duwa.

Sama sa men’s 3X3, ang Pinay cagers nakaipsot sa Thailand, 17-13.

Ang Gilas women’s team gibidahan nila ni Afril Bernardino, Janine Pontejos, Claire Castro ug Jack Animam.

Ang double-gold sa 3×3 teams nindot nga sugod sa kampanya sa mga Pinoy basketbolista. 

Ang Gilas men ug women’s team mosugod’emng kampanya sa 5×5 tournament ugma.

Sa laing bahin, ang arnisadors sa Pilipinas mipadayon’emng pagpanghakot og bulawan kagahapon.

Sila si Elmer Manlapaz (featherweight), Jesfer Huquire (bantamweight) ug Carloyd Tejada (welterweight) pulos midominar sa tagsa-tagsa nila ka mga dibisyon.

Sa pagsuwat ning balita, ang Pilipinas aduna na’y 33 gold, 15 silver ug siyam ka bronze medals. 

Source: Philstar Banat

No comments