Recent Posts

Breaking News

110 ka sakyanan gi-clamp sa CCTO atol sa Valentine’s Day

MOABOT ngadto sa 110 ka mga sakyanan ang na-clamp sa Cebu City Transportation Office (CCTO) niadtong kadlawon sa Valentine’s Day sa lima ka mga barangay sa dakbayan.

Si Alma Fe Casimero, pangulo sa CCTO, nagkanayon na-clamp ang maong mga sakyanan didto sa Barangay Mabolo, Mambaling, Tisa, Punta Princesa ug Hipodromo kansang mga sakyanan giparada lapas na alas 12 sa tungang gabii.

Niadtong Pebrero 13, niabot usab og 19 ka sakyanan ang ilang gi-clamp didto sa barangay Sambag 2, Banawa ug Hipodromo samtang nakaguroy sila og 26 ka motorsiklo ug naka-isyu og traffic citation ticket sa 62 ka motorista. Ag pagparada sa mga sakyanan kilid sa dalan lapas sa alas 12 sa tungang gabii kalapasan sa City Ordinance 2004.

Si Alma Fe Casimero, pangulo sa CCTO, niingon nga gawas sa ilang regular operation, gisunod nila ang mando sa Department of Interior and Local Government. (PAC)

Source: Sun.Star

No comments