Recent Posts

Breaking News

Meat van masakmit sa AASF task Force

SA PAGSEGURO nga hapsay ang pagpatuman sa kamandoan ni Gobernador Gwendolyn Garcia sa pag-ban sa mga produkto sa baboy gikan sa Luzon ug Mindanao, dugang personnel ang gitahasan sa mga lokal nga kagamhanan sa lalawigan sa Sugbo.

Si Garcia gusto nga maseguro nga ma-monitor ug mabantayan ang mga produkto nga mosulod sa mga pantalan ug paluparan bisan pa man sa mga agianan.

Ug tungod niini, alerto ang lungsod sa Asturias sa pagpahigayon og checkpoint sa kadalanan hinungdan sa pagkasakmit sa 16 ka karton ga may sulod nga mga karne sa baboy, sama sa tocino, ham, corned beef ug uban pa.

Ang Asturias African Swine Fever (AASF) task force nakasakop atol sa gihimong quarantine checkpoint sa Barangay Owak sa nahisgutang lungsod niadtong Pebrero 9 sa kadlawon.

Sulod ang maong kahon sa usa ka meat van nga iya sa Czar Trucking Corp. nga padulong unta sa dakbayan sa Mandaue gikan sa wa pa matino nga dapit gawas sa Sugbo.

Gimaneho kini ni Candelario Tingal Genesan, 41, nga taga Barangay Catarman sa lungsod sa Liloan ug ang mga kauban niini nga sila si Jessie Valinario Solivio, 28, ug si Pablo Ca-ayon Soliano, 42.

Atol sa checkpoint, gipangayoan sila og permits og ubang dokumento apan wala kini ikapakita sa task force.

Matod ni Dr. Mary Rose Vincoy, Provincial Veterinary Office (PVO) head, nga gimandoan na ang tanang local government units (LGUs) nga magtukod og kaugalingong task force aron mas mapahugtan ang pagsulod sa mga produkto diha sa mga lungsod nga posibling apektado sa ASF. (ARV)

Source: Sun.Star

No comments