Recent Posts

Breaking News

Nets miputol 15 ka daog sa Raptors

Nets miputol 15 ka daog sa Raptors

Emmanuel B. Villaruel (Banat) – February 14, 2020 – 12:00am

CEBU, Philippines – Giputol sa Brooklyn Nets ang nagkadinang 15 ka daog sa Toronto Raptors, 101-91’emng duwa sa NBA kagahapon  didto sa Barclays Center sa New York.

Si Caris LeVert mikadlit og 20 puntos, samtang si Joe Harris miamot og 19 puntos ug si Spencer Dinwiddie mitampo’g 17 puntos uban ang siyam ka assists alang sa Nets nga miinat’emng record ngadto sa 25-28.

Ilang gibihag ang Raptors bisan og wala si Kyrie Irving’cause sa knee injury.

Ang Nets wala na molingi pa sukad miposte og 15 puntos nga labaw, 80-65 sa sayong bahin sa katapusang kuwarter.

Igo lamang nakapaduol ang Raptors ngadto sa nuybe puntos, 82-91 sa nahibiling 4:13 sa aksiyon gumikan kay si LeVert mipasud sa sunod-sunod niyang itsa aron silyohan ang daog sa Nets.

Si Serge Ibaka mikulit og 28 puntos, si Fred VanVleet mitali og 22 puntos, samtang si Kykle Lowry mirehistro og triple double uban ang 12 puntos, 12 ka assists ug 11 ka rebounds alang sa Raptors nga natagak ngadto sa 40-15.

Didto sa Denver, si LeBron James miposte sab og triple-double ug si Anthony Davis miiskor og siyete sa iyang 33 puntos sa overtime aron giyahan ang Los Angeles Lakers ngadto sa 120-116 nga kadaogan batok sa Nuggets.

Si James mikamada og 32 puntos, 14 ka assists ug 12 ka rebounds alang sa ika-12 niyang triple double karon nga season sa Lakers nga labaw og upat ka duwa sa Nuggets sa liderato sa Western Conference. Ila sab nga giinat ang NBA best road record ngadto sa 23-5.

Nangu sa Nuggets mao si Jamal Murray uban ang 33 puntos, samtang si Nikola Jokic mitali og 22 puntos ug 11 ka rebounds sa pilderong  koponan.

Source: Banat by Philstar.com

No comments